Pentinge Tauhid Kanggo Menungsa

Bismillah,..

Sekabeh puji kaduwene Allah ta’ala, shalawat uga salam mugi-mugi tetep keparing dumateng kanjeng nabi kito Muhammad shalallahu ‘alaihi wasallam, para sahabate, keluargane, lan wong-wong islam kabeh kang tetep meloni ajarane Muhammad shalallahu ‘alaihi wasallam nganti dina kiamat.

Kyeh sadulur kabeh kelawan nyuwun pitulunganipun Allah inyong pan nulis bab ilmu agama islam sing kaitane karo masalah tauhid. Tauhid kuwe asale sing basa arab, yen nggo basa jawa artine nunggalaken atawa nyawijiaken.

Tauhid miturut istilah agama islam kuwe artine nunggalaken atawa maksudaken sekabehe bentuk ibadah namung nganggo Allah ta’ala tok , Ora kanggo saliyane Allah. Saliyane Allah kuwe tegese makhluk-makhluke Allah, contone langit, bumi, lintang, gunung, srengenge, wulan, watu, laut,  malaikat, para nabi, para wali, wong-wong sholeh, lan liya-liyane maning esih akeh.

Contoh-contone bentuk ibadah maring Allah kaya dene shalat 5 waktu, puasa ramadhan, shadaqah, qurban dong bada aji, mangkat kaji, ngadohi  judi, ngadohi lotre, ngadohi nyolong, ngadohi dolanan wadonan, ngadohi korupsi, lan liya-liyane perbuatan-perbuatan sing dilarang dening islam.

Kuwe mau kabeh ngelakoni perentahi Allah kuwe kudu diniataken tulus ikhlas mung kanggo Allah ta’ala tok.

Allah ta’ala dawuh nang jero alquran surat annisa ayat 56 sing artine kaya kiye: “hai menungsa kabeh, pada ngibadaha/nyembaha kon kabeh dumateng Allah ta’ala., lan wanti-wanti aja nganti kon kabeh aja nggawe tandingan maring Allah sajeroning  ibadah mau.

Nang ayat kuwe Allah ta’ala pinaring prentah sekaligus larangan , prentahe Allah kuwe neng kalimat sing artine ” pada nyembaha kon kabeh maring Allah ta’ala tok, lan larangane Allah ana nang kalimat sing artine “Kon kabeh menungsa wanti-wanti aja nganti gawe tandingan  marang  Allah  kelawan  ciptaane  apa bae jenise.

Sadulur kabeh muga-muga dirahmati Allah,

Iman atawa percaya marang Allah Ta’ala dzat sing di sembah siji-sijine kuwe mau diarani tauhidullah atawa nunggalaken Allah ing dalem ibadah.

Samene ndisit sadulur, mengko dilanjut maning insya Allah,.. mbokan macane kesel, atawa kedawan artikele, mengko malah bingung dewek.

Macane aja cepet-cepet sadulur, soale kiye penting, dudu masalah sing sepele. Mbokan ana sing durung paham bisa ditakokna, sebutna nang endi kotane, mengko tak tidokna tempat taklim sing parek penggonane njenengan, Insya Allah.

Wallahu ‘alam bisshawab….

Sumber : Tulisane kancane sing wis ninggal, abih..

Mudah-mudahan Allah ampuni dosa-dosane, dijembarna kuburane,..
Aamiin

You May Also Like

2 Comments

  1. Assalamualaikum.
    Wah. .siki admine ganti go bhs JERMAN(JEjeR kauMAN).
    Milu akh.
    Arep takon, artine ikhwan karo akhwat sing bener kue kaya apa.
    Miki maca . .ikhwan akhwat kok aweh berduaan. .
    Ikhwan akhwat sbenere go celukane kakang adi.
    Tp. .nek pengajian bnyk ust ato laine pada nyeluke ikhwan akhwat. . Lah kan kue wong lia, ,udu adi apa kakange kok nyeluke ikhwan akhwat

    Wa’alaikumussalamwarahmatullah
    Ikhwan kuwe basa jermane wong lanang
    Akhwat kuwe basa jermane wong wadon

    Yen bahasa inggrise ikhwan kuwe Male
    Yen bahasa inggrise akhwat kuwe female

  2. Masya Allah…
    Manteb kang, diterusna maning artikel agama Islam khususipun Manhaj Salaf nganggo basa Jawa Banyumasan. Supaya wong-wong panginyongan pada ngerti hehhehe

Silahkan tinggalkan komentar di sini